WanaCCM wajitokeza kwa wingi katika kufanya Usafi maeneo ya Darajani Mjini Zanzibar. leo 28/1/2017

 

Chama cha Mapinduzi CCM mapema leo kimzidua   sherehe  cha kuadhimisha miaka 40 tangu kuzaliwa chama hicho kwa ufanyaji usafi katika maeneo ya soko la darajani katika Wilaya ya mjini.

Akizungumza na wanachama wa chama hicho katika hafla ya shughuli za usafi Naibu katibu Mkuu wa chama hicho Vuai  Ali Vuai amesema  nijambo la kujivunia  kwa chama cha mapinduzi CCM kutimiza miaka 40  tokea kuzaliwa kwake ambapo  hatua mbali mbali za maendeleo zimepatikana  ikiwemo huduma za Afya,Elimu,huduma za maji safi na salama,pamoja na kukabiliana na suala  zima la ajira kwa vijana.

Hata hivyo amesema lengo la  kuundwa chama cha mapinduzi  ni kuendeleza  harakati zilizokuwa zikifanywa na vyama vya ASP na TANU za kuwaletea maendeleo  Watanzania kwa haraka bila ya ubaguzi  wa aina yoyote nchini kwani ndivyo vyama zilivyoleta ukombozi.

Kwaupande wao baadhi ya Viongozi wa CCM katika ngazi mbalimbali za chama  wametoa wito kwa vijana wote nchini  kukiunga mkono chama cha mapinduzi  ambacho   kilifanya ukombozi  kutoka kwa masultani  kwa lengo la kuwapatia uhuru watanzania  ili kulinda  amani  na upendo.

Aidha wamesema vijana  wanamchango mkubwa  katika chama, hivyo elimu kwa vijana hao inahitajika kwani baadhi yao wamekuwa na wigo na kukizarau chama na kukiona hakina faida jambo ambalo inakipa wakati mgumu chama hivyo katika kufikia hatua zake  zinazokusudia.

Kilele cha  sherehe hizo  za kutimiza miaka 40 ya chama cha mapinduzi zinatarajiwa kuadhimishiwa Dodoma  siku ya tarehe 5 ambapo  zitaadhimishwa kwa mikutano ya ndani  na  makongamano na kwani mikutano ya hadhara  imedhuiliwa na kwa Zanzibar  wataadhimisha kwa  kufanya michezo mbalimbali.