Mh. Vuai akonganyoyo za wananchi wa kusini Unguja

Chama Cha Mapinduzi (CCM) ndio Chama pekee nchini chenye uwezo wa kudumisha amanina utulivu wa kitaifa, hivyo wananchi wana kila sababu ya kukichagua katika uchaguzi mkuu wa mwaka huu, ili kiendelee kuongoza dola.

Kauli hiyo imetolewa na Naibu Katibu Mkuu wa CCM Zanzibar Ndugu Vuai Ali Vuai, alipokuwa akiwa hutubia wananchi wa Wilaya ya Kusini Unguja kupitia mkutano wa hadhara uliofanyika katika kiwanja cha mpira cha Paje.

Amesema CCM ndio Chama pekee chenye sera, dira na dhamira ya kweli ya kuwakomboa wanyonge wa taifa hili nakuwaletea maendeleo endelevu ndani ya maeneo yao, hivyo wananchi wana kila sababu ya kukichagua na kukirejesha tena madarakani katika uchaguzi mkuu wa mwaka huu.

Amesema kutokana na Utekelezaji kwa asilimia kubwa wa Ilani ya Uchaguzi Mkuu wa mwaka 2010 - 2015 sambamba na ahadi mbali mbali zilizowekwa na Viongozi wa Chama hicho, wakati wa kampeni kuliko fanywa na  Serikali ya Mapinduzi Zanzibar, nidhahiri wananchi watakiunga mkono CCM.

Akizungumzia kuhusu Katiba Pendekezwa, Naibu Katibu Mkuu huyo wa CCM (Z) amewataka wana CCM kushikamana na kutumia muda ulisalia kabla ya kura ya maoni, kutoa elimu kwa wananchi juu ya ubora wa Katiba hiyo, ili waweze kuielewa na kuipigia kura wakati utakapowadia.

Amesema elimu hiyo itawasaidia kwa kiasi kikubwa wananchi walio wengi kuwajengea uelewa mpana na hivyo kuipigia kura ya ndio Katiba hiyo, hapo Aprili 30, mwaka huu.

Amesema Katiba hiyo imezingatia maslahi ya makundi yote ya kijamii ya pande zote mbili za Muungano, kinyume na inavyopotoshwa na wanasiasa wa vyama vya upinzani kwa kuweka mbele matakwa ya vyama vyao Zaidi kuliko wananchi.

Ametoa wito kwa Wana CCM hasa waliokuwa Wajumbe wa Bunge la Katiba kutumia vikao vya Chama na mikutano ya hadhara kufafanua kwa kina vipengele mbali mbali vya katiba hiyo, mbele ya Wana CCM na Wazanzibari wote fursa zilizomo ndani ya katiba hiyo, kwani ndio mkombozi wao.

“Katiba hii Inayopendekezwa ndio mkombozi kwa Watanzania hasa Wazanzibari kwa vile  inatoa fursa kubwa kwa uchumi na ustawi wa Zanzibar na wananchi wake, hali inayopunguza kwa kiasi kikubwa yalemanung’uniko yaliyokuwepo ndani ya Katiba ya mwaka 1977.

Amesema wapinzani wamekuwa mstari wa mbele kuibeza Katiba hiyo, kutokana na ukweli kwamba walifahamu fika kuwa walikwisha shindwa hata kabla ya kuwasilishwa kwenye Bunge Maalum la Katiba.

“Wanachokifanya viongozi wa ukawa ni kufitinisha wananchi watekeleze matakwa yao, ili waikatae, lakini CCM tunawaambia ya guju kamwe hawawezi kutimiza ndoto yao hiyo”.AlisisitizaVuai.

Alitumia nafasi hiyo kumpasha Mansour Yussuf Himid, kutokana na madai yake ya kuwaonea uchugngu Wazanzibari, kwa kusema haina chembe ya ukweli na iwapo angekuwa na uchungu wa kweli asingewanyang’anya wazalendo mapande makubwa ya ardhi, majumba ya kuishi, mashamba, nk. Hivyo awarejeshee wenyewe.

Mapema,Naibu katibu Mkuu wa CCM Zanzibar  Vuai Ali Vuai,aliwakabidhi kadi za CCM jumla ya wanachama wapya 113 waliojiunga na chama hicho, ikiwa ni juhudi ya viongozi wa CCM wa wilaya hiyo ya awamu ya tatu ya mradi wa kuimarisha chama hicho.

KIDUMU CHAMA CHA MAPINDUZI.

Chachu ya kupata Viongozi Bora

CHAMA Cha Mapinduzi (CCM) kimesema usimamizi mzuri wa kura za  maoni ndani ya CCM ya kuwapata wagombea wa nafasi mbali mbali za uongozi katika vyombo vya dola ndio sila pekee itakayoleta ushindi wa Chama hicho katika uchaguzi mkuu wa mwaka 2015.

Kimesema iwapo Viongozi wa CCM watafanya uadilifu katika kutoa haki kwa wagombea wote waliojitokeza kuwania nafsi za uongozi ni wazi kabisa ushindi wa kishindo utapatika.

Hayo yamesemwa na Steven Kazidi Steven alipokuwa akiwailisha mada ya kanuni na sheria za uchaguzi mkuu katika vyombo vya dola ikiwa ni siku ya pili ya mafunzo elekezi ya viongozi wa CCM wa mikoa na wilaya za Zanzibar, huko Palumbo Hotel, Mkoa wa Kaskazini Unguja.

Amesema wakati umefika kwa Viongozi wa CCM hasa Watendaji hawana budi kuteua wagombea kwa misingi ya haki na uadilifu ili kukiletea CCM ushindi usioshaka katika uchaguzi mkuu wa mwaka huu na hivyo kuendeleza wimbi la ushindi na kushika hatamu ya dola nchini. 

 Kidumu Chama Cha Mapinduzi

Watakiwa kuhakikisha katiba pendekezi inapigiwa kura ya Ndio

Naibu Katibu Mkuu wa CCM Zanzibar Ndugu Vuai ali Vuai amewataka viongozi na watendaji wa CCM wa Mikoa na Wilaya kuhakikisha kuwa Katiba inayopendekezwa inapigiwa kura ya ndio na inapita hapo wakati wa kuuipigia kura ya maoni.

Naibu Katibu Mkuu huyo aliyasema hayo leo huko Kendwa katika hoteli ya Palumbo wakati alipokuwa anafungua mafunzo Elekezi kwa Watendaji na Viongozi wa Chama Cha Mapinduzi wa Mikoa na Wilaya za Zanzibar.

Ndugu Vuai aliwaeleza washiriki wa Mafunzo hayo Elekezi kuwa Chama chetu hivi sasa kimekabiliwa na mambo makuu matatu likiwemo la kura ya maoni ya kupitisha katiba inayopendekezwa na Uchaguzi Mkuu wa wa 2015 na tuhakikishe kuwa Chama cha Mapinduzi kinashinda kwa kishindo ili kiendelee kuongoza Dola ya Tanzania.

Kidumu Chama cha Mapinduzi!